Sebastian Vettel frá Þýskalandi á Red Bull sneri á Ferrari ökumennina Felipe Massa og Fernando Alonso í Barein í dag. Hann náði besta tíma í lokaumferð tímaökunnar.

Michael Schumacher á Mercedes varð sjöundi, en margir fylgjast með framgangi hans eftir endurkomu í Formúlu 1. Meistarinn Jenson Button varð áttundi á eftir Schumacher og byrjar því ekki titilvörnina sem best. Hann er þó sagður hafa mjúkan akstursstíl, sem gæti hjálpað honumm þegar kemur að keppninni. Að fara vel með dekkin verður lykilatriði í mótinu, en Hamilton var einmitt í vandræðum í gær, þar sem dekkjaslit undir bíl hans var mikið. Hann sagðist þurfa aðlaga akstursstíl sinn að því.

Vettel sagði á fundinum að kappaksturinn væri óráðinn gæta vegna þess að keppendur aka af stað á mýkri dekkjunum og þurfa að skipta um dekk, en menn verða að nota harðari útgáfu dekkjanna frá Brigdestone líka. Allir leggja af stað með fulla bensíntanka og aðeins er tekið þjónustuhlé fyrir dekk, ekki bensín. Er því úr vöndu að ráða fyrir liðin.

Bein útsending frá kappaksttrinum er´kl. 11.30 á Stöð 2 Sport á sunnudag og er hún í opinni dagskrá að vanda.

Tímarnir í dag

 1.  Vettel         Red Bull-Renault       1:55.029  1:53.883  1:54.101 
 2.  Massa          Ferrari                1:55.313  1:54.331  1:54.242
 3.  Alonso         Ferrari                1:54.612  1:54.172  1:54.608
 4.  Hamilton       McLaren-Mercedes       1:55.341  1:54.707  1:55.217
 5.  Rosberg        Mercedes               1:55.463  1:54.682  1:55.241
 6.  Webber         Red Bull-Renault       1:55.298  1:54.318  1:55.284
 7.  Schumacher     Mercedes               1:55.593  1:55.105  1:55.524
 8.  Button         McLaren-Mercedes       1:55.715  1:55.168  1:55.672
 9.  Kubica         Renault                1:55.511  1:54.963  1:55.885
10.  Sutil          Force India-Mercedes   1:55.213  1:54.996  1:56.309
11.  Barrichello    Williams-Cosworth      1:55.969  1:55.330
12.  Liuzzi         Force India-Mercedes   1:55.628  1:55.653
13.  Hulkenberg     Williams-Cosworth      1:56.375  1:55.857
14.  de la Rosa     Sauber-Ferrari         1:56.428  1:56.237
15.  Buemi          Toro Rosso-Ferrari     1:56.189  1:56.265
16.  Kobayashi      Sauber-Ferrari         1:56.541  1:56.270
17.  Petrov         Renault                1:56.167  1:56.619
18.  Alguersuari    Toro Rosso-Ferrari     1:57.071
19.  Glock          Virgin-Cosworth        1:59.728
20.  Trulli         Lotus-Cosworth         1:59.852
21.  Kovalainen     Lotus-Cosworth         2:00.313
22.  di Grassi      Virgin-Cosworth        2:00.587
23.  Senna          HRT-Cosworth           2:03.240
24.  Chandhok       HRT-Cosworth           2:04.904